O Patri nostru, Tu ca stai ‘nno celu,
ma si prisenti puru ‘nna la terra,
di sta genti riunita a fari festa,
ascuta attentu l’ardenti priera.
Signuri, pi lu pani e pi lu vinu
cu tuttu u cori “grazii!” ti ricemu,
e grazii pi li frutti di la terra
e pu duru travagghiu di to figghi.
Binirici stu cibu, o Patri Santu,
e binirici tutti sti famigghi,
pi Gesù Cristu lo to figghiu amatu
dunani paci e bona vuluntati,
ca mentri ti sirvemu ‘nna sta terra
Tu nni pripari un postu ‘nna lu celu.
Ed ora a santa Cruci ‘nni facemu,
‘nnomu du Patri, Figghiu e Spiritu Santu.
Amen.
Padre Pino Licciardi
